Prokuradoreak eskatu du Martin ez dezatela Espainiaratu

Paueko auzitegiak urriaren 18an emango dio erantzuna Emilie Martinen aurkako euroagindu eskaerari. Kontrol judiziala mantendu diote

Maiz ez da gertatzen Frantziako epaitegi bateko prokuradoreak auzitegiko giroa lasaitzea. Atzo goizean, alta, hala gertatu da Pauen, Emilie Martinen euroagindu eskaera tratatzen ari zirela epailea zein defentsako abokatua. «Eskatzen dizuet Martin ez Espainiaratzea, eta haren kontrol judiziala kentzea». Frantziako Estatuaren ordezkariak nabarmendu du, ikuspuntu juridikotik, txostenaren edukiak eskaera ezeztatzeko arrazoiak ematen dituela: «Leporaturiko ekintzen tokia, baita Martinen inplikazioa ere, zehaztu gabeak dira. Ez dago ezer Espainian».

Espainiako Auzitegi Nazionalak kargu larriak leporatzen dizkio Emilie Martini, apirilaren 22an Frantziari bidalitako euroagindu eskaerari loturik: «talde terroristako» kide izatea, «talde terrorista» batekin kolaboratzea, «terrorismoari» gorazarre egitea eta Herrira-ren jarduera eteteko neurri prebentiboa urratzea.

Auzitegiko epaileak hartu du lehena hitza, testuingurua kokatu nahian: «Herrira Frantzian deklaratua den elkarte bat da, eta Emilie Martin hango langilea da». Horrez gain, Espainiako Eloy Velasco epaileak idatzitako akusazioak irakurri ditu: «Antolaturiko ongi etorrietan parte hartzea; elkarteen bidez ETAk egiten dituen ekintzak koordinatzea; presoen aldeko elkartasuna bere gain hartu izana…». Hortik, ondorioztatzen du Madrilek Emilie Martinen «ekintza terrorista». Paueko epaileak, berriz, soilik «Iparraldeko» jarduerak aurkitu ahal izan ditu txostenean, «eta ezer ez Hegoaldeari buruz».

Militante abertzaleak mintzatzeko aukera izan duenean, zentzu berean jarraitu dio: «Herrira-n ditudan jarduerak beti legalak eta publikoak dira. Maiz elkartu naiz alde guzietako hautetsiekin zein elkarteekin, euskal presoen egoera aipatzeko».

Martinen abokatu Maritxu Paulus Basurkok baieztatu ditu prokuradorearen erranak, eta akusazioak «forma arazoak» dituela plazaratu; adibidez, jardueren tokia aipatzean soilik Baionako hiria, hots, «Frantziako Estatuko» hiri bat, aipatzea. Gainera, «data bakarra nabarmendu dute: Hego Euskal Herriko Herrira elkartearen sortze data, Martin Iparraldeko elkartearentzat lanean ari delarik».

Auzi gelatik atera eta, Martinek bere engaiamenduak berretsi ditu, ahoan lasaitasunezko irri bat zuela: «Ni beti elkarte horren langilea naiz eta segituko dut lan horretan, presoak eta iheslariak etxean izan arte».

Prozedura berri bat?

Galdera militantearen abokatuari pausatua izan zaio epaitegitik ateratzean: ba ote da prozedura berri baten arriskua gaurkoa heldu den asteartean bukatuz gero? «Prozedura berri hori gauza berekin ezeztatua litzateke hau ezeztatua balitz. Baina ezin da nehoiz jakin. Hasieran, Espainiako Justiziak galdegin zion Frantziako Justiziari Emilie Martin auzipetzea. Frantziak ez du auzipetu, eta, hori ikusirik ere, erabakitzen ahal zutelarik aurrera ez segitzea, segitu dute aurrera. Beraz, kezka beti hor da. Paueko gorteak euroagindua ezeztatzen balu, izugarrizko garrantzia izango luke, eta espero dezagun honen ondoren Espainiako Justizia horretan gelditzea».

Gizartearen sostengua

Urriaren 6an eman zioten kontrol judiziala Martini; ezin da atera Pirinio Atlantikoetako departamendutik, eta astero sinatu behar du Donibane Garaziko jendarmerian. Epaileak erabaki du kontrola segitzea heldu den astearteko deliberoa plazaratu arte.

Astelehen arratsean, 200 pertsona inguruk Martinen kontrako euroagindu eskaera salatu zuten Baionako suprefetura aitzinean, eragile politiko, sozial eta sindikal anitzek deituta. Elkarretaratzean izan ziren, besteak beste, Frederique Espagnac (PS) Pirinio-Atlantikoetako senataria , Alain Duzert Baionako komunisten burua, Jean Lissar ekologisten burua eta Luzie Betbeder Lekorneko (Lapurdi) auzapeza.

Emilie Martin no será entregada al Estado español. El Tribunal de Pau ha rechazado la petición de euroorden y ha decretado el levantamiento del control judicial al que venía siendo sometida.

La demanda española acusaba a la zuberotarra de ser «integrante» de una «organización terrorista» debido a su participación en Herrira. Tanto la defensa como la Fiscalía rechazaron la entrega, al entender esta última que los argumentos en su contra eran «bastante vagos».

El Tribunal de Pau ha argumentado su decisión de rechazar la euroorden en tres ejes, según ha explicado esta tarde en Baiona la abogada Maritxu Paulus-Basurko. Primeramente, que la calificación de «pertenencia a organización terrorista» y los hechos que le imputan a Emilie Martin no concuerdan. En segundo lugar, que la actividad de la asociación Herrira para la que trabajaba la zuberotarra «no ha sido considerada nunca punible por parte de las autoridades de la seguridad pública francesa». Por último, que los hechos por los que se la reclama fueron cometidos exclusivamente en territorio del Estado francés.

La letrada ha considerado la sentencia como «muy importante y completa» en tanto en cuanto queda meridianamente claro que los hechos que se le imputan «no son ni delictivos ni criminales». 

Por su parte, Emilie Martin ha mostrado su «alegría» por la decisión. «Creo que se puede decir que va en la dirección de favorecer el proceso de paz» ha dicho antes de añadir que espera que la misma pueda «alentar a los tribunales españoles para hacer lo mismo con los 46 procesados en el caso y a liberar a la abogada Arantxa Zulueta», cuya situación de aislamiento total ha denunciado.

Albiste hau iparraldekohitzak argitaratu du